Gabar Tekun Guinea: Hukumar NIMASA, Rundunar Sojin Ruwa da cibiyar ICC sun hada kai kan musayar bayanai da Fadakarwa, Hadin kai zai kara ingnata tsaro – Jamoh.

Hukumar kula da harkokin sufurin jiragen ruwa ta Najeriya, NIMASA, da rundunar sojojin ruwa ta Najeriya da cibiyar hadin gwiwa ta kasa da kasa, ICC, sun bayyana bukatar ci gaba da yin hadin gwiwa tare da masu ruwa da tsaki na yankin da na duniya domin tabbatar da dorewar tsaro a mashigin tekun Guinea.

Wannan shi ne maƙasudin gabatar da jawabai a babban taro na 5 na Ƙungiyar Haɗin Kan kan tsaro gabar tekun Guinea, da aka yi masa lakabi da tabbatar da wanzuwar tsaro a yankin

Darakta Janar na NIMASA, Dr. Bashir Jamoh, wanda ya bayyana cewa, hadin gwiwa shi ne babban jigon samar da ingantaccen tsaro a mashigin tekun Guinea a ‘yan kwanakin nan, ya kuma ce hukumar NIMASA ta himmatu wajen samar da duk wani kayan aiki da ake bukata ga mambobin kungiyar SHADE/ FORUM don dorewar wannan Nasara.

Jamoh  ​​ya ce, “Shekaru biyu da suka gabata, mun gana da masu ruwa da tsakin da ba su ji dadi ba, tare da kalubalen satar teku da ya ta’azzara a mashigin tekun Guinea tsakanin 2019 zuwa 2020. Amma a yau, har ma da Hukumar Kula da Jiragen Ruwa ta kasa da kasa, IMB, ta tabbatar da cewa matsalar ta yi sauki a cikin Shekaru 28 da matsalar ta yi kamari a yankin.

A cikin kalamansa: “Dole ne a inganganta hadin kan karo na SHADE domin ta ci gaba da zama mai karfi.
Ya kara da cewa “Dole ne a samu hadin gwiwa tsakanin sojojin ruwan yankin kamar yadda muka gani a baya-bayan nan tsakanin Najeriya da Benin. Dukkanmu masu bayar da gudunmawa ne ga nasarar da muke samu a halin yanzu a fannin tsaron teku.”

Sakatare Janar na Hukumar Kula da Jiragen Ruwa ta Duniya (IMO), Mr. Kitack Lim, wanda ya yi jawabi a dandalin,  ya taya Najeriya murna kan kokarin da ta fara yi na inganta tsaro a yankunan ruwanta da ma yankin tekun Guinea gaba daya. Ya kalubalanci membobin SHDE FORUM da su ci gaba da tafiya don ci gaba da samun ribar da aka fara samu a shekara daya da ta gabata.

A cewarsa, “Kiyaye irin nasarorin da aka samu kawo yanzu shine babban kalubalen da sojojin ruwan yankin ke fuskanta. Don yin haka, dole ne ku magance tushen matsalar fashin teku da suka hada da matsalolin da al’ummomin da ke gabar teku ke fuskanta, domin samun mafita mai dorewa kan lamarin. na fashin teku”.

Shima da yake jawabi a wurin taron, babban hafsan sojojin ruwa, Vice Admiral Awwal Gambo, ya bayyana cewa, nasarorin da aka samu a mashigin tekun Guinea ya samo asali ne sakamakon hadin gwiwa da musayar bayanai tsakanin kasashe a mashigin tekun Guinea.

Shugaban sojin ruwan wanda ya samu wakilcin Shugaban Tsare-tsare na hedkwatar Rundunar Sojin Ruwa ta Najeriya, Real Admiral Saidu Garba ya jaddada bukatar ci gaba da horat da jami’an soji domin dorewar nasarar da aka faru.

“Har yanzu akwai sauran damar yin haɗin gwiwa a fannonin musayar bayanai, haɓaka kasancewar kadarorin sojan ruwa da ƙarfafa tsarin doka a tsakanin ƙasashen tekun. guinea da kuma abokan hulɗa na duniya, waɗanda dukkansu mabuɗin ne don tabbatar da nasarar da aka cimma a birnin Yaounde. Amintacciya da tsaron jigilar kayayyaki a cikin tekun shi ne muhimmin mai ba da taimako a cikin tsarin dawo da tattalin arzikin duniya da durkushewar kasuwancin da ke fama da cutar ta COVID 19”, in ji shi.

Sauran masu ruwa da tsaki da suka hallara a zauren taron na 5 sune Darakta, Cibiyar Haɗin kai tsakanin yankuna (ICC-Yaounde), Admiral Narciso Fastudo, Co-chair, SHADE – GoG/Maritime Collaboration Forum, RearAdmiral Solomon Agada, mai ba da shawara na musamman ga kujerun mashigin tekun Guinea.