An yabawa Shugaban hukumar kula da iyakokin ruwan kasar nan Dr Bashir Yusuf Jamoh dangane da gudunmawar da yake badawa wajen ciyar da bangaren sufurin kasar nan gaba.
A sanarwar da mataimakin darakta a sashin hulda da jama’a na hukumar NIMASA Mr Edward Osagie ya rabawa manema labarai a jihar Legas ya ce Shugaban ya samu yabon ne a wajen taron karawa juna sani na kasa karo na hudu wanda cibiyar kula da zirga-zirga ta kasa ta shirya a birnin tarayya.
A wani labarin na daban kuwa, rundunar sojin kasar nan da sauran hukumomin tsaro sun bada tabbacin bada goyon baya wajen inganta bangaren sufurin kasar nan, da kuma hada hannu da cibiyar kula da zirga-zirga ta kasar nan.
READ ALSO:BABBAN SAKATAREN KULA DA IYAKOKIN RUWA NA DUNIYA YA KADDAMAR DA SABON GININ SHEDIKWATAR NIMASA
Babban hafsan rundunar, Laftanar Janar Faruk Yahaya ya bayyana hakan ta bakin Manjo Janar E Akerejola inda ya yabawa cibiyar a kokarin ta wajen inganta tattalin arzikin kasa ta fuskar kasuwanci tsakanin kasashen ketare, samar da wadataccen abinci a kasa da kuma habbaka masana’antu.
Babban hafsan rundunar sojin yace taken taron ya zo a daidai kan gaba kasancewar bangaren sufuri baya samun kulawar da ta dace daga kwararru da malaman manyan makarantun kasar nan.
Laftanar Janar Yahaya ya lura da cewa bangaren sufurin kasar nan ya fuskanci kalubale da dama a shekarun da suka gabata da suka hada da rashin ingantattun kayayyakin aiki, rashin sanya idanu, rashin horaswa da sauran su.
Ya kuma jaddada aniyar rundunar wajen bada gudunmawa don ciyar da bangaren gaba.
Shima a nashi jawabin, Shugaban hukumar NIMASA, Dr Bashir Yusuf Jamoh wanda Farfesa Samuel Odewumi ya wakilta ya lura da cewa taken taron na bana ya maida hankali ne wajen inganta tsaro a bangaren sufurin kasar nan.
Ya kuma bukaci masu ruwa da tsaki a bangaren da suyi aiki tare wajen inganta bangaren sufurin yanda ya kamata.
A nashi tsokacin, Babban Sakatare a majalisar kula da sufurin jiragen ruwa na kasa Mr Emmanuel Jime wanda Mr C.C Agu ya wakilta ya ce hada-hadar sufuri ba zai yiwu ba, ba tare da samar da tsaro ba saboda sufuri wani kashin bayan tattalin arzikin kasa ne.
Ya kuma bukaci mahalarta taron da su lalubo hanyoyin da za su kara inganta da tsaftace bangaren sufurin kasar nan.
Sauran manyan bakin da sukayi tsokacin a wurin taron sun hada da Darakta Janar na hukumar cibiyar kimiyyar sufuri dake Zaria wato NITT, Shugaban kwalejin horas da matuka jiragen sama dake Illori, Kanar Yakubu Okatahi, wakilin gwamnan jihar Ogun da sauran manyan baki.
Taken taron shine Samar da kariya da tsaro a sha’anin sufuri a Nijeriya.

Pantami Ta Tsaya Cak Yayin Da Dubban Jama’a Sukayi Tururuwar Tarbar Jamil Gwamna
AZMAN YA KADDAMAR DA SABON GIDAN SAI DA MAN FETUR NA ZAMANI A ABUJA, 28 ga Satumba, 2026
Naja’atu Muhammad; Pantami nada Suffar Munafikai
Zaben Gwamna A Gombe: Dalilan da Ya Sa Sardaunan Gombe Ya Zama Mafi Sauƙin Ɗan Takarar Gwamna da Za a Gabatar wa Jama’a
Amincin Tinubu Ga Barau Kan Harkar Tsaro Da Cigaban Kasa
Shugaban Ƙaramar Hukumar Kabo Hon. Lawan Najume Kabo ya sauke Sakataren Mulki na Karamar Hukumar da nadaddun Kansiloli huɗu, Saboda Shiga Ƙungiyar Tallata Shugaba Tinubu Da Sanata Barau (TMS) a Jihar Kano .
Senator Kawu Sumaila Commends Kano Drug Task Force, Donates ₦5m to Operatives, Supports Rescued Children
Nigeria’s Education System Needs Policy Consistency, Effective Implementation – Prof. Faruk Rashid Haruna
BPSR trains 660 federal officers on post-retirement productivity
Police Arrest Two Ekpo Masquerades Over Alleged Roadblock, Extortion in Akwa Ibom
Dangote Driving Agribusiness In North, Sponsors 2026 National Agric Show
Kano Taskforce Seals Pharmaceutical Company Over Alleged Illegal Distribution of Pregabalin