Lambar yabo da jaridar Vanguard Ta bani zai karamin kuzarin hidimtawa Najeriya- Jamoh

Dr Bashir Jamoh, Darakta Janar na Hukumar Kula da Tsaro da sufurin jiragen Ruwa ta Najeriya (NIMASA) ya bayyana lambar yabo da jaridar Vanguard ta ba shi na zakaran gwajin dafi a bangaren sufurin jiragen ruwa a matsayin kalubale gare shi domin kara hidinmtawa ci gaban Najeriya da al’umma.

Dokta Jamoh wanda ya yabawa Vanguard Media Limited, mawallafin jaridar Vanguard da suka same shi da ya cancanta a karrama shi, ya ce yana ganin karramawar ta wuce girmama shi kawai, domin kwarin gwiwa zai kara masa domin kara aiki tukuru.

A cewar sa, duk wani abu da ake yi da ya jawo yabo da karramawa a gare shi da kuma NIMASA a karkashin shugabancinsa, za a inganta shi domin ganin an yi alfahari da duk ‘yan Nijeriya da jaridar Vanguard tare da tabbatar da karramawar cewa ta cancanta.

Shugaban hukumar ta NIMASA ya ce, ayyukan alheri na NIMASA da suka bayyana a cikin hukumomi da hadin gwiwar kasa da kasa kan yaki da fashin teku da sauran laifuffukan ruwa da ke haifar da raguwar hare-haren jiragen ruwa da ma’aikatan jirgin za a rubanya a kowane lokaci.

Dokta Jamoh ya godewa mambobin hukumar NIMASA, kwamitin gudanarwa da dukkan ma’aikatan hukumar bisa gudummawar da suka bayar wajen samun nasarorin da aka samu da hukumar kula da harkokin ruwa ta kasa.

Ya ba da tabbacin cewa nan da watanni masu zuwa, NIMASA wajen gudanar da ayyukanta na doka, za ta kara habaka ayyukanta domin samun ci gaba ga masu zuba jari, kwararru da duk masu ruwa da tsaki a harkar sufurin ruwa na kasa.

Jamoh : “Wannan na bukatar a kara yin aiki, a kara ayyuka, da kuma samun nasara mai dorewa, muna da abubuwa da yawa a wurin, kuma in Allah Ya yarda a cikin watanni masu zuwa, sai mun rubanya kokarinmu na tabbatar da wannan kyautar.

“Wannan kalubale ne, kuma duk abin da muka yi a baya ya burge kwamitin da aka zaba, yanzu ya zama dole mu ninka kokarinmu, a gare ni, ba na kallon kyautar a matsayin lambar yabo kawai a suna, amma kalubale ne.

“Mahimmancin shugabanci a duk inda ka je shi ne kawo canji ga al’umma, don haka idan matsayinka na shugabancin ba zai iya canja ma’auni ba, to lallai ba a kai ga cimma manufar shugabanci ba.

“Jaridar Vanguard ta amince da kokarin da muke yi saboda akwai wasu tasiri da sauye-sauye, amma akwai fannoni da yawa da ya kamata mu kara himma a cikinsu, wadanda dole ne mu iya yi a cikin watanni masu zuwa. Don haka muna bukatar mu rubanya kokarinmu.” In ji Jamoh jim kadan bayan karbar lambar yabo da satifiket din sa

Fitattun masu ruwa da tsaki a harkar ruwa da suka shaida bikin sun amince da cewa shugaban NIMASA ya yi aiki tukuru cikin kankanin lokaci domin tabbatar da karramawar da aka yi masa.

Fitacciyar mai kula da jiragen ruwa, Misis Margaret Orakwusi, ta bayyana Jamoh a matsayin shugaban NIMASA wanda ya zo da gogewar shekaru 30 a fannin da ingantaccen ilimin ruwa wanda ya tura shi don samun fa’ida ga sashin tekun Najeriya.

Sauran masu ruwa da tsaki da suka bayyana tare da yabawa Jamoh bisa karramawar sun hada da Mohammed Bello-Koko, Manajan Daraktan Hukumar Tashoshin Ruwa ta Najeriya; biyu tsofaffin Daraktoci na NIMASA- Dr Ade Dosunmu da Dokta Dakuku Peterside; Dr. Mkgeorge Onyung, shugaban kungiyar masu jiragen ruwa ta Najeriya; Emmanuel Maiguwa, Shugaban Tsofaffin Daliban Makarantar Maritime Academy of Nigeria (AMANO) da Comrade Adewale Adeyanju Shugaban Kungiyar Ma’aikatan Maritime ta Najeriya (MWUN)

Tun bayan hawansa mulki Dr.Jamoh ya lashe kyaututtuka da dama da suka hada da lambar yabo ta Zik ta 2020 a cikin manufofin jama’a.

Shugaban Kwamitin Zaɓen Zik Prize 2020, Farfesa Pat Utomi ya ce ƙarfin Dr.Jamoh na gudanar da ayyukan sake fasalin, gyara da sake fasalin NIMASA ya ba shi babbar lambar yabon.,

Farfesa Utomi ya bayyana cewa ”Deep Blue Project da habbaka Tattalin Arziki ya cigaba da wanzuwa karkashin Dr. Jamoh.