Manhajar Kallo.ng , manhajar kallon fina finan hausa a ko’ina, ko da yaushe.

Manhajar Kallo.ng manhaja ce da kamfanin Space crafts media suka kirkira don saukakawa ma’bota kallon fina-finan hausa su zaba su dare, su kuma kalli duk fim din da suke so a ko ina suke a fadin duniya ta wayar hannu wacce ake kira Android.

Da take zantawa da jaridar time express Nigeria jagorar kamfanin, Mace Mai kamar maza ,Mai kishin alummarta da harshen Hausa Hajiya Maijidda Shehu Modibbo tace kamfanin nasu ya kirkiri manhajar ce saboda kishin da yake da shi wajen bunkasa cigaban harshen Hausa.

” yadda ake samun wannan manhajar shi ne zaa shiga application na play store sai a rubuta kallo.ng sai ayi downloading , to daga nan sai ayi ninkaya cikin manhajar don zabar fim din Hausan da ake so a Kalla”

Hajiya maijidda shehu Modibbo ta bukaci ma’abota kallon fina – finan Hausa da kada suyi kasa a gwiwa wajen ziyartar shafin na Kallo.ng don zaba su Darje.

Maijidda shehu Modibbo ta kuma godewa alummar kasar nan bisa yadda suke nuna shawarsu ga manhajar ta Kallo.ng