Shugaban hukumar kula da iyakokin ruwan kasar nan Dr Bashir Yusuf Jamoh ya ce hukumar za ta cigaba da aiki tare da cibiyoyi da masu ruwa da tsaki don ciyar da hukumar gaba.
A wata sanarwar da ta samu sa hannun mataimakin darakta a sashin hulda da jama’a na hukumar, Mr Edward Osagie yace Shugaban hukumar ya bayyana hakan ne a lokacin da ya karbi bakuncin wakilan kungiyar lauyoyi ta kasa reshen babban birnin tarayya a ofishin shi dake birnin ikko.
Dr Bashir Yusuf Jamoh yayi bayanin cewa aiki da kungiyar da kuma bangaren shari’a ya zama tilas bisa la’akari da batutuwa masu sarkakiya dake tattare da ayyukan hukumar da ke bukatar sasanci.
Ya bukaci hadin kan kungiyar wajen ganin an zartar da hukunce-hukunce da kuma sasanci da suka shafi ayyukan hukumar don masu zuba hannun jari su samu kwarin gwiwa.
Shugaban hukumar har ila yau yayi nuni da cewa hukumar ta NIMASA ta samu nasarar cafke masu aikata laifi a iyakokin ruwan kasar nan da kuma sauran laifuka masu alaqa da haka akan iyakokin ruwan kasar nan.
A cewar Dr Bashir Jamoh, hukumar NIMASA baza ta yi kasa a gwiwa ba wajen kare kan iyakokin ruwan kasar daga masu aikata laifi daban-daban ta hanyar aiki tare da sauran hukumomi da cibiyoyin gwamnatin tarayya, da na kasashen ketare da kuma sauran masu ruwa da tsaki wajen tsaurara tsaro a kan iyakokin ruwan kasar nan da na tafkin guinea.
Ya kara da cewa hukumar ta kama masu laifi ashirin da uku inda goma a cikin su aka tura sa gidan gyara hali inda zasu shafe shekaru goma kowannen su, yayin da sauran ukun wadanda baqin haure ne aka ci su tara saboda laifukan da suka aikata akan iyakokin ruwan kasar, sannan ya kara da cewa hakan zai zama izina ga sauran masu aikata irin wadannan laifukan.
Dr Bashir Jamoh ya lura da cewa duk da irin nasarorin da hukumar ta samu a bangaren kula da harkokin iyakokin ruwa, hukumar na bukatar cigaba da hadin gwiwa da kungiyoyi da masu ruwa da tsaki har da bangaren shari’a don cimma manufar da aka sanya a gaba.
Shugaban hukumar ta NIMASA ya bayyana cewa horas da ma’aikata na daga cikin ginshikin gudanar da ayyukan hukumar inda ma’aikata har da na sashin shari’a suke samun horo akai-akai ta fuskoki da dama musamman dokokin da suka shafi ayyukan kula da harkokin iyakokin ruwa a jami’ar kula da harkokin iyakokin ruwa dake kasar Sweden don suyi gogayya da takwarorin su na duniya.
Tunda farko a jawabin shi, Shugaban kungiyar lauyoyi ta kasa reshen babban birnin tarayya, Mr Adjeh Monday bayyana gamsuwar shi da yabawa hukumar gudanarwa ta NIMASA karkashin jagorancin Dr Bashir Yusuf Jamoh dangane da irin nasarorin da hukumar ta samu inda ya jaddada muhimmancin cigaba da hadin gwiwa da masu ruwa da tsaki a fannin kula da harkokin iyakokin ruwa.
Ya kara da cewa kungiyar za ta cigaba da da lalubo hanyoyin hadin gwiwa da za su taimakawa NIMASA a yunkurin ta na cigaba da kare iyakokin ruwan kasar nan.

Pantami Ta Tsaya Cak Yayin Da Dubban Jama’a Sukayi Tururuwar Tarbar Jamil Gwamna
AZMAN YA KADDAMAR DA SABON GIDAN SAI DA MAN FETUR NA ZAMANI A ABUJA, 28 ga Satumba, 2026
Naja’atu Muhammad; Pantami nada Suffar Munafikai
Zaben Gwamna A Gombe: Dalilan da Ya Sa Sardaunan Gombe Ya Zama Mafi Sauƙin Ɗan Takarar Gwamna da Za a Gabatar wa Jama’a
Amincin Tinubu Ga Barau Kan Harkar Tsaro Da Cigaban Kasa
Shugaban Ƙaramar Hukumar Kabo Hon. Lawan Najume Kabo ya sauke Sakataren Mulki na Karamar Hukumar da nadaddun Kansiloli huɗu, Saboda Shiga Ƙungiyar Tallata Shugaba Tinubu Da Sanata Barau (TMS) a Jihar Kano .
Senator Kawu Sumaila Commends Kano Drug Task Force, Donates ₦5m to Operatives, Supports Rescued Children
Nigeria’s Education System Needs Policy Consistency, Effective Implementation – Prof. Faruk Rashid Haruna
BPSR trains 660 federal officers on post-retirement productivity
Police Arrest Two Ekpo Masquerades Over Alleged Roadblock, Extortion in Akwa Ibom
Dangote Driving Agribusiness In North, Sponsors 2026 National Agric Show
Kano Taskforce Seals Pharmaceutical Company Over Alleged Illegal Distribution of Pregabalin