Ka Cigaba Da Ayyukan Taimakon Alumma Abdulhameed Babawo – Inji Kungiyar Matasan Kakaki

Daga Abdullahi Kakaki

Kungiyar Ciagaban Alummar Unguwar Kakaki da ke birnin zazzau a jihar Kaduna ta Bukaci Maaikata da Mawadata da su rungumi akidar taimakawa matasa masu tasowa don suma su dogara da kawunansu.
Shugaban kungiyar injiniya Shuraihu Ladan Shuraihu ne ya bayyana bukatar hakan yayin taron karawa juna sani da kuma karrama wasu yan Asalin unguwar wadanda suka ba da gudunmuwa wajen cigaban Alummar yankin.
Yace kungiyar matasan Sun Karrama Abdulhameed Mohammed (Babawo) ne wanda babban ma’aikaci ne a hukumar shirya jarrabawa ta NBAIS bisa laakari da irin gudunmuwar da ya bayar, kuma yake kan bayarwa wajen cigaban alummar yankin kakaki, albarkawa, kwangero,kwarbai, da duk sauran anguwannin da ke birnin zazzau.

Adhere to the Ethics of your Profession – Emir Bamalli Charges Journalists 

“Muna adduar Allah ya yawaita mana mutane masu kishi da son cigaban alumma irin Alhaji Abdulhameed Babawo a wannan yanki Namu, domin samun karin cigaba da yalwar arziki”
Injiniya Shuraihu Ladan Shuraihu ya kuma shawàrci matasa su rungumi neman ilmi da koyar sanao’i ta yadda zasu zamo masu dogaro da kawunansu, su kuma rinka taimakawa marayu don suma su zama masu Amfani ga alumma baki daya.
Da yake jawabi yayin taron mai girma Na’ibin zazzau malam Mohammad Sani(Kawu Lamido) ya yi kira da a riki zumunchi da son tallafawa marayu, inda yayi dogon jawabi tare da kawo misalai daga nassi na irin falalar da taimakon Maraya ke da shi.
A nasa jawabin sheikh Jibrin Ibrahim Shuraihu ya ja hankalin iyaye kan su kara kula da tarbiyar ‘ya ‘yansu, inda yace kiwo ne Allah Subhanahu wa ta’ala ya baiwa duk wanda yake da ‘ya ‘ya, kuma tabbas Allah zai tambayi yadda aka tarbiyantar da su.
Da yake jawabin Godiya bisa karramawar da kungiyar ta yi masa Alhaji Abdulhameed Mohammed (Babawo) ya godewa Alummar unguwar kakaki bisa karramashi da suka yi.
” na gode kwarai da karramawar da kuka yi min, kuma insha Allah zamu cigaba da bakin kokarinmu wajen cigaba da yiwa alumma Hidima”
Taron ya sami Halartar shugabannin unguwar kakaki , matasa da sauran Alumma.