Daga Abdullahi Kano
Tsohon Dan majalisa mai wakiltar kiru da Bebeji a Majalisar wakilai Abdulmumin jibril Kofa , ya kaddamar da kasuwar manoma da cibiyar kasuwanci ta kofa domin bunkasa harkar noma da kasuwanci, a Karamar hukumar Bebeji Dake Kano.
Tsohon Dan majalisar wanda yanzu shi ne dan takarar Kiru da Bebeji a Majalisar wakilai cikin jam’iyyar NNPP a zabe mai zuwa ya gina
Katafariyar kasuwar irinta ta farko a Kano wadda aka kwashe Shekaru goma ana aikinta wacce zata zamo wata hanya ta bunkasa harkokin noma da Kasuwanci da Kuma samarwa matasa aikin yi a kano.

Kasuwar mai dauke da shaguna dari biyu, da masallaci Mai daukar masallata dubu biyar da gidan Mai, da Kuma Babban filin Ajiye manyan motocin tirela- tirela masu daukar kaya da Ajiyewa sama da guda dari.
Da yake yiwa Manema labarai Karin haske game da Kasuwar Abdulmumini kofa ya bayyana cewa kasuwar kasuwa ce da duk abinda ake nema za’a samu, kama daga dakin Hutu, wurin karbar magani, sannan Kuma sun shirya tsaf wajen bada tsaro Mai inganci a wannan kasuwa.
Abdulmumin Jibrin Kofa ya kara da cewar yanzu haka ma’aikata sama da dari biyar ke aiki tukuru a wannan kasuwar Kuma duk da Haka ana sa ran za’a Kara daukar wasu baya ga Waɗanda zasu yi dakon kaya da yaran shago da dai Sauransu .

A nasa jawabin Shugaban kasuwar kayan Abinci dake Dawanau Alh. Murtala Isa cewa yayi sunyi farin ciki da wannan kasuwa da tazo da kyakkyawan tsari, Kuma kasuwar Dawanau zatayi alfari da wannan kasuwa,
Inda yayi masa fatan Alkhairi da fatan masu hannu da shuni da yan Siyasa zasu yi koyi da wannan aikin Alkhairi da cigaban kasa.
A jawabinsa tun da farko shugaban Yan kasuwa na kasa Dakta Bature Abdulaziz ya yabawa tsohon Dan majalisar bisa wannan namijin kokari da yayi, Wanda yace ya halacci bude kasuwanni da dama Amma bai ga Kasuwar da akai mata tsari irin wannan ba.

Taron ya samu halartar manyan mutane, Yan siyasa da suka hadar da Shugaban Majalisar wakilai femi Gbajibiamila da dan takardar Gwamna a jam’iyyar NNPP Abba kabiru Yusuf, da shugaban majalisar malamai Sheikh Abdullahi Pakistan Wanda ya jagoranci sallah juma’a a katafaren masallacin Dake cikin kasuwar ta manoma da cibiyar kasuwanci ta kofa Wanda Abdulmumini kofa ya sadaukar ga mahaifinsa.

Pantami Ta Tsaya Cak Yayin Da Dubban Jama’a Sukayi Tururuwar Tarbar Jamil Gwamna
AZMAN YA KADDAMAR DA SABON GIDAN SAI DA MAN FETUR NA ZAMANI A ABUJA, 28 ga Satumba, 2026
Naja’atu Muhammad; Pantami nada Suffar Munafikai
Zaben Gwamna A Gombe: Dalilan da Ya Sa Sardaunan Gombe Ya Zama Mafi Sauƙin Ɗan Takarar Gwamna da Za a Gabatar wa Jama’a
Amincin Tinubu Ga Barau Kan Harkar Tsaro Da Cigaban Kasa
Shugaban Ƙaramar Hukumar Kabo Hon. Lawan Najume Kabo ya sauke Sakataren Mulki na Karamar Hukumar da nadaddun Kansiloli huɗu, Saboda Shiga Ƙungiyar Tallata Shugaba Tinubu Da Sanata Barau (TMS) a Jihar Kano .
Senator Kawu Sumaila Commends Kano Drug Task Force, Donates ₦5m to Operatives, Supports Rescued Children
Nigeria’s Education System Needs Policy Consistency, Effective Implementation – Prof. Faruk Rashid Haruna
BPSR trains 660 federal officers on post-retirement productivity
Police Arrest Two Ekpo Masquerades Over Alleged Roadblock, Extortion in Akwa Ibom
Dangote Driving Agribusiness In North, Sponsors 2026 National Agric Show
Kano Taskforce Seals Pharmaceutical Company Over Alleged Illegal Distribution of Pregabalin